ይመስገንልኝ

ከልጅነት ዘመን ራሴን ሳውቅ ጀምሮ
ያሰቃየኝ ነበር ህመሙ የጆሮ
ከሀኪምቤት ሀኪምቤት እየቀያየርኩኝ
ከመርፌ ከክኒኒ ዝምድናን ፈጠርኩኝ
ህመም ሲበረታ ከልምድ ተነስቼ
ኪኒን እወስዳለሁ ከፋርማሲ አምጥቼ
የምውጠው ሁሉ እንኳንም ሊያድነኝ
ጨጓራዬን ልጦ ሌላ ህመም ሆነኝ
አንድ ቀን ጸጉር ቤት ልሰራ ስታጥበኝ
እሙ አደራ አልኳት ውሃ እንዳይገባብኝ
እሷም ከመቅስፈት ማጠቧን አቁማ
ምንሆነሽ ነው ብላ ጠየቀች ደጋግማ
ያመኛል ጆሮዬን እያልኩኝ ስነግራት
እምባዬን ሳወርደው ሆድ ብሶኝ ሳስረዳት
እኔ ምነግርሽን በደንብ አስተውይ
ቤተዛታ ሂጂ ሳታድሪ ሳትውይ
ዶ/ር ኢስሀቅ ሚባል ጎበዝ ሃኪም መጥቷል
የኔን መከራዬን ታሪኬን ቀይሯል
ከአንቺ የባስኩ እኔ በጣም የደፈነኝ
ከህመሜ ሁሉ እርሱ ገላገለኝ
ስላንተ ጥሩነት ችሎታህን ጭምር
በደስታ በኩራት ልጅት ስትናገር
በጣም ተገርሜ እኔም ተደስቼ
ከጸጉር ቤት ወጣው መሰራቴን ትቼ
ይሂስ እርግማን ነው የፈጣሪ ቁጣ
ብዬ አምኜ ነበር ዳንኩ የሚለኝ ሳጣ
እባክህ ጌታዬ ከንቱ ሆኝ አልቅር
መላ በለኝና የኔን ታሪክ ቀይር
እያልኩኝ ስጸልይ እሱን ሳስጨንቀው
የጸሎቴን ምላሽ ኢስሀቅን አገኘው
የውጭ ሀገር ገንዘብ ጥቅሙ ሳይበግርህ
እውቀቴን ላገሬ ለሀገሬ ብለህ
ካለህበት መጣህ ህሊና አስገድዶህ
የወገኔ ችግር ስቃዩ ሲታይህ
አንተ መልካም ብሩህ ዶ/ር
በጥቅማ ጥቅም የማትበገር
እኔም ተቀይሬ ከሰው እኩል ሆንኩኝ
ማማረሬን ትቼ ማመስገን ጀመርኩኝ
ይሄ ጅምርክ ነው መቼ ተነካና
ብዙ ሰው ሲሰማ እናያለን ገና
እረጅም እድሜ ይስጥህ ጤና
ሚጠብቅህ ብዙ አለና
ለጸሎቴ ምላሽ አምላክ የሰጠኝ
አንተን የፈጠረው ይመስገንልኝ